Рақс моро муттаҳид мекунад
12-14 ноябр дар шаҳри Душанбе Фестивали байналмилалии «Рақс моро муттаҳид мекунад» баргузор мегардад.
Дар назар аст, ки дар фестивал ансамблҳои рақсии беш аз 5 давлати ҷаҳон ҳунарнамоӣ намоянд. Инчунин дар фестивал тамоми дастаҳои рақсии Тоҷикистон рақси миллии тоҷикиро муаррифӣ менамоянд.
Фестивали байналмилалии «Рақс моро муттаҳид менамояд» тибқи нақшаи барномаҳои Вазорати фарҳанги Ҷумҳурии Тоҷикистон бо мақсади таҳкиму густариши робитаҳои судманди фарҳангӣ бо давлатҳои хориҷӣ, табодули таҷриба ва дар ин замина муаррифии ҳарчи бештари санъату ҳунари миллӣ доир мегардад.
